Andre og tredje handling i Peer Gynt

Vel eitt av alternativa under.

Alternativ 1. Sjå dramatisering

Sjå Fjernsynteateret si dramatisering av Peer Gynt over. Andre og tredje handling går frå 45:55 (Peer og Ingrid etter bruderovet) og ut filmen (Mor Åses død).

Alternativ 2. Dramatiser sjølv

Dramatiser fem sentrale scenar frå andre og tredje handling. Gå saman i par i scenar der det berre er to roller og i grupper viss scenen har fleire.

De skal øve på eige rom og vise dramatiseringa fram framfor klassen etterpå. Vis fram i den rekkjefølgja scenane står i.

• Scene 1. Peer dumpar Ingrid med Peer og Ingrid

• Scene 2. Den grønkledde med Peer og Den grønkledde

• Scene 3. I Dovregubbens hall med Peer, Dovregubben og ei rekkje troll. (Spel gjerne Dovregubbens hall av Edvard Grieg medan de framfører.)

• Scene 4. Bøjgen med Peer og Bøjgen (og fugleskrik)

• Scene 5. Møte med Solveig igjen med Peer, Solveig og Helga

Frå andre og tredje handling stammar mange av dei mest berømte sitata frå Peer Gynt. Men kva betyr dei eigentleg? Diskuter kva utdraga under skal seie om Peer, personlegdommen hans og forholdet hans til andre menneske:

Sitat 1. Peer og Ingrid

Peer Gynt: Djevlen står i alt, som minner!
Djevlen står i alle kvinner,--
uten en-!
Ingrid: Hvem er den ene?
Peer Gynt: Ikke deg.

Sitat 2. Dovregubben

Dovregubben: Sant nok; vi er ens i det og mer.
Men morgen er morgen og kveld er kveld,
så forskjell blir det nu like vel.-
Nu skal du høre hva det er for noe:
Der ute, under det skinnende hvelv,
mellom menn det heter: "Mann, vær deg selv!"
Her inne hos oss mellom trollenes flokk
det heter: "Troll, vær deg selv-nok!"

Sitat 3. Bøjgen

Peer Gynt: Gi svar! Hvem er du?
Stemmen: Meg selv
Peer Gynt: Av veien!
Stemmen: Gå utenom, Peer! Den er stor nok, heien.
Peer Gynt: (vil igjennom på et annet sted, men støter imot).
Hvem er du?
Stemmen: Meg selv. Kan du si det samme?

Sjå programmet "Hemmeligheten bak Peer Gynt" frå 26:00 til 43:10. Bruk det du lærer her til neste skriveoppgåve.

Skriv i 15 minutt. Svar på desse tre spørsmåla:

1. Korleis er Peer Gynt? Skriv ein personkarakteristikk av han.

2. Kva er ditt foreløpige inntrykk av stykket? Kva meiner du Henrik Ibsen vil fortelje lesaren sin med dramaet?

3. Synest du teksten er relevant i dag? Begrunn svaret ditt.
   

Del no det de skreiv i del 4 med resten av klassen. Det er mange måtar å gjere det på. Vel eitt av alternativa under. Det viktigaste er at alle skal lese alt dei andre i klassen har skrive. Vel sjølv om du vil at teksten din skal vere anonym, eller om du vil ha namnet ditt på han.

Her er nokre alternativ:

• Lever inn tekstane dykkar til læraren. Be hen lage eit hefte som blir delte ut i neste time. Her kan de lese kvarandre sine tekstar.

• Alle lastar tekstane sine opp på skulen si læringsplattform. Deretter les de gjennom kvarandre sine tolkingar og kommenterer om de synest nokon har skrive noko interessant.

• Lim tekstane dykkar inn i eit samskrivingsdokument. Les gjennom og kommenter det de synest er gode tolkingar.