Form handlar om korleis gjenstandane rundt oss ser ut. Å designe blir ofte forklart med å formgi. Når vi behandlar materiale, til dømes frå naturen, gir vi dei ei ny form. Både forma og fargane påverkar korleis vi opplever eit produkt. God formforståing er viktig i alle handverksyrke.

Eit ornament blir brukt som dekor eller utsmykking. Det kan stå åleine eller vere ein del av eit samansett mønster. Vi lagar mønster ved å gjenta ei form eller eit mønsterelement.