Utstyr:
A3-teikneark
materiale til å lage stempel eller sjablongar
måling
penslar, rull, trykkplate
penn
Del 1. Eksperiment med mønsterbygging
Ver utforskande og test fleire teknikkar, gjerne på same ark. Noter kva du har gjort. Her er det prosessen som gjeld.
Formelement
Ei form er alltid utgangspunktet for eit mønster. Du kan lage eit stempel til å trykkje eit formelement med, eller du kan skjere ut ei form i papp eller kontaktpapir og lage ein sjablong.
Prøv ut ulike variantar, og vel eitt formelement som du vil jobbe vidare med.
Bord
Gjenta formelementet i lengderetning. Ein bord kan vere horisontal eller vertikal.
Flatemønster
Gjenta formelementet i både i breidde- og lengderetning, og lag eit flatemønster. Vis ein rapport ved å markere ein firkant rundt rapporten.
Del 2. Monotypi
Monotypi er ein grafisk teknikk som gir eitt enkelt trykk. Uttrykket er resultat av farge, sjablongar, materiale som ligg på ei plate og som blir trykt på papir.
Eksperiment med ulike sjablongar. Prøv til dømes å trykkje med bobleplast, strå eller krølla papir.
Del 3. Kombiner monotypi, mønsterbygging og strekteikning
Du kan kombinere monotypi med andre teknikkar. Prøv å trykkje på eit papir som allereie har eit mønster, eller å lage mønster på eit trykk. Vel kva du vil bruke frå mønsterbygginga i del 1. Det kan vere eit flatemønster, ein bord eller berre eit formelement.
Jobb vidare med resultatet. Legg på linjer ved hjelp av teikning, måling eller andre teknikkar.
Vel eit utsnitt og monter biletet på svart kartong.
Del 4. Bruk arbeidet ditt som dekor på eit valfritt produkt
Vel eit produkt. Det kan vere ein del av eit interiør, ei T-skjorte, eit handlenett eller noko anna du vil dekorere. Lag eit designforslag der du bruker element frå arbeidet ditt i del 3.
Innlevering
- dokumentasjon av prosess
- eit biletarbeid montert på svart kartong
- designforslag
Presentasjon
Presenter arbeidsprosessen din og produktet ditt for klassen.
Sjå døme på presentasjonar laga i Spark: