Installasjon av WordPress
Her går vi ut frå at du allereie har installert (L)AMP på Ubuntu-serveren din. Guiden er tilpassa oppsett av webserver utan domene, berre IP-adresse blir brukt for å kople seg til.
Steg 1: Logg inn i databasesystemet
Logg inn i databasen til webserveren din. Du vil bli spurd om passord, og då skriv du inn passordet du sette tidlegare.
1sudo mysql -u root -p
Steg 2: Gjer databasetilpassingar
WordPress treng sin eigen database og databasebrukar.
Køyr kvar linje for seg med Enter mellom kvar linje.
Kvar kommando blir avslutta med (;). Dette er standardisert, og viss dette manglar, forstår ikkje databasesystemet at kommandoen er ferdigskriven sjølv om du trykker på Enter. Kommandoane gjer følgande oppgåver:
- Lagar ein database som heiter nettside_db.
- Lagar ein lokal brukar som heiter databasebrukar og set passord på denne. Vel gjerne eit anna passord.
- Gir databasebrukar rett til å arbeide med nettside_db-databasen.
- Friskar opp att rettane til alle brukarar og databasar.
- Avsluttar databasesystemet.
1CREATE DATABASE nettside_db; 2CREATE USER databasebruker@localhost IDENTIFIED BY 'passord'; 3GRANT ALL PRIVILEGES ON nettside_db.* TO databasebruker@localhost; 4FLUSH PRIVILEGES; 5exit;
Under kan du sjå døme på korleis databasesystemet responderer på kvar enkelt kommando.
I denne delen skal du laste ned og gjere filtilpassingar som gjer at WordPress blir aktivt og kan konfigurerast ferdig gjennom nettlesar.
For kommandoar som gjer forandringar i filsystemet, er kommandoen ls -la lagd til. Dette er for å vise forandringane som skjer undervegs. ls -la gjer ikkje noko anna enn å vise innhaldet i mappa du er i.
Steg 1: Flytt deg til websidemappa
Bruk kommandoane under til først å flytte plassering og etterpå liste opp innhaldet i denne mappa:
1cd /var/www/html 2ls -la
I biletet under kan du sjå at webserver-root-mappa berre har to filer, index.html og info.php):
Steg 2: Last ned nyaste versjon av WordPress
Kommandoane under lastar ned nyaste versjon av WordPress og viser innhaldet i mappa.
1sudo wget -c http://wordpress.org/latest.tar.gz 2ls -la
Du kan no sjå at fila latest.tar.gz er lasta ned. Dette er eit nedpakka filarkiv som inneheld mange filer og mapper.
Steg 3: Pakk ut det nedlasta filarkivet
Kommandoen under pakkar ut filarkivet. Sidan det ikkje er gitt noka plassering, vil filene leggast i den same mappa som brukaren står i (/var/www/html).
1sudo tar -xzvf latest.tar.gz 2ls -la
Når du køyrer kommandoen ls -la, kan du legge merke til at den nye mappa (wordpress) ikkje har root som eigar, dette må vi justere i neste steg.
Steg 4: Sett rettar på mappe og filer
Tidlegare, då du installerte Apache webserver, vart det laga ein brukar som heiter www-data og ei gruppe med same namn. Vi ønsker å gi denne brukaren og gruppa eigarskap til den nye wordpress-mappa.
chown-kommandoen styrer eigarskap av filer og mapper.
-R-parameteren gir beskjed om at rettane skal forandrast òg for undermapper og filer under den mappa som blir gitt (rekursivt).
1sudo chown -R www-data:www-data wordpress/ 2ls -la
Som du kan sjå på biletet under, har mappa wordpress no fått ny eigar og eigargruppe.
Steg 5: Flytte plassering til Wordpress-mappa
Gå inn i wordpress-mappa og sjå kva som ligg der.
1cd wordpress/ 2ls -la
Innhaldet i WordPress-mappa /var/www/html/wordpress er hovudsakleg PHP-skriptfiler. Når ein nettlesar ber om opning av éi av desse, vil PHP-skriptet bli køyrt på serveren og svaret bli sendt til nettlesaren.
Steg 6: Gi konfigurasjonsmal nytt namn
I WordPress-mappa ligg ei fil som heiter wp-config-sample.php, dette er ein mal som vi kan bruke for å konfigurere WordPress. Bruk kommandoen under til å gi denne fila nytt namn.
1sudo mv wp-config-sample.php wp-config.php 2ls -la
Ny ls -la-kommando vil vise at fila no har fått nytt namn.
Steg 7: Gjere tilpassingar i mal
Opne mal-fila wp-config.php ved hjelp av skriveprogrammet Nano.
1sudo nano wp-config.php
Gå nedover i dokumentet til du finn variablane som er lista opp under. Fyll så inn informasjonen som er riktig for databasen din.
Define ( 'DB_NAME' , 'nettside_db' )
Define ( 'DB_USER' , 'databasebrukar' )
Define ( 'DB_PASSWORD' , 'passord' )
Pass på at du ikkje fjernar apostrofane som er rundt databasenamnet, brukarnamnet og passordet.
Litt lenger ned, i wp-config.php ,kan du setje nøklar for bruk til å lage sikre nettlesar-cookies for brukarane av nettsida. Dette er eit nyttig sikkerheitstiltak som kort lita tid å setje opp. Nøklane må vere 60 teikn lange og bør vere så tilfeldige som mogleg. WordPress.org har sin eigen generator for tilfeldige teikn som kan brukast.
Når du har lagt inn nøklane som skal brukast, trykker du på (Ctrl + X) og stadfestar forandringa med "y". Trykk så på Enter for å stadfeste filnamnet.
Webserveren (Apache2) treng å konfigurerast slik at han sender førespurnader han får vidare til WordPress-mappa.
Steg 1: Flytt plassering til Apache2-mappe for konfigurering
1cd /etc/apache2/sites-available/ 2ls -la
Når du listar opp innhaldet i /etc/apache2/sites-available/, skal det ligge ei fil der som heiter 000-default. Denne gjorde det mogleg for oss å få fram Apache si demoside tidlegare.
Steg 2: Lag ny konfigurasjonsfil
Bruk skriveprogrammet Nano til å lage ei ny fil i /etc/apache2/sites-available/.
1sudo nano wordpress.conf
Kopier inn informasjonen under i fila.
1<VirtualHost *:80> 2 DocumentRoot /var/www/html/wordpress 3 <Directory "/var/www/html/wordpress"> 4 AllowOverride All 5 </Directory> 6 ErrorLog ${APACHE_LOG_DIR}/error.log 7 CustomLog ${APACHE_LOG_DIR}/access.log combined 8</VirtualHost>
Når alle linjer er kopierte, bruk (Ctrl + X) og stadfest forandringa med "y". Trykk så på Enter for å stadfeste filnamnet.
Steg 3: Deaktiver gammal konfigurasjon og aktiver den nye
Køyr kommandoane etter kvarandre. Det som skjer, er at du først deaktiverer den gamle konfigurasjonsfila 000-default. Den neste kommandoen lastar inn den nye konfigurasjonen du nettopp laga i wordpress.conf. Den siste kommandoen får Apache til å laste inn konfigurasjonane på nytt.
1sudo a2dissite 000-default 2sudo a2ensite wordpress.conf 3sudo systemctl reload apache2
Viss alle stega har vore vellykka, skal det no vere mogleg å kople seg til WordPress med nettlesar. Skriv inn IP-adressa til webserveren din. Viss du ikkje blir automatisk flytta over, kan du prøve å bruke direkteadressa [IP-adresse]/wp-admin
Fordi det meste av guidar og innhald til WordPress er på engelsk, tilrår vi at du bruker dette som språk. Trykk på "Continue" for å gå vidare.
På neste side set du nettsidenamn og lagar adminbrukar for WordPress (via nettlesar). Fyll ut og trykk på "Install WordPress"
Søkemotorar som Google søker jamleg over alle nettsider på internett. Det er mogleg å be om at sida ikkje skal visast av Google og andre. Dette er veldig praktisk for testsider.
Viss installasjonsprosessen gjekk fint, vil du få opp eit skjermbilete som liknar det under. Trykk på "log in" for å logge på med adminbrukaren du nettopp sette opp.
Etter å ha logga på blir du send til WordPress sitt "Dashboard". Herfrå kan du gjere mange tilpassingar av Wordpress-sida di. For å sjå nettsida slik ho ser ut for andre brukarar, er det eit ikon oppe til venstre av eit lite hus og namnet på sida di. Trykk her for å gå til sjølve nettsida. For å komme tilbake til dashbordet kan du skrive inn [IP-adresse]/wp_admin i nettlesaren.
