Film og filmklipp
Bærmousse
Ein bærmousse består ofte av marengs, bærpuré, krem og gelatin og har ein mjukare og glattare konsistens enn ein fromasj. Moussen kan serverast som ein dessert i eit glas, eller støypast som ei moussekake.
Video: Jarle Sten Olsen / CC BY-ND 4.0
Ingrediensar
2 dl bærpuré
2 dl fløyte
200 g italiensk marengs
5 plater gelatin
Framgangsmåte
Legg gelatinplatene i iskaldt vatn.
Bland italiensk marengs med 1 dl bærpuré. Den siste desiliteren bærpuré skal varmast med gelatinen.
Pisk fløyten til "softiskonsistens".
Når gelatinplatene er heilt mjuke, klemmer du ut vatnet og legg dei i ei lita gryte saman med 1 dl bærpuré. Varm opp under omrøring med ein sleikepott til det nesten når kokepunktet.
Hell dette i ein tynn stråle under pisking i puré-marengsblandinga.
Vend til slutt kremen inn i blandinga. (Å vende betyr å røre varsamt for å bevare mest mogleg luft i moussen.)
Då er moussen ferdig og kan brukast som ein dessert i glas eller han kan støypast som ei moussekake.
Bilete: Tom Knudsen / CC BY-SA 4.0