Marengs
Ingrediensar
2 dl eggekvite
390 g melis
Framgangsmåte
Pisk eggekvita til kvitt og høgt skum.
Tilset melisen litt og litt under pisking på mellomfart.
Når all melisen er i bollen, set du opp farten til nesten den høgaste og piskar marengsen til han har tjukk og skinnande konsistens. Pisk i ca. 5 minutt med denne mengda.
Fransk marengs er supert å bruke til til dømes pikekyss og marengspynt. Då sprøyter du han ut på ei silikonmatte og steiker han på cirka 80 gradar i om lag 6 til 7 timar.
Ingrediensar
2 dl eggekvite
400 g sukker
Framgangsmåte
Ha eggekviten oppi ein piskebolle, og set han på 3/4 fart.
Ha sukkeret i ei lita gryte. Dekk sukkeret akkurat med vatn, og set gryta på plata med nesten full varme. Sukkeret skal kokast til det held ca. 120 gradar. Bruk gjerne eit sukkertermometer til å måle temperaturen med.
Når sukkeret er varmt nok, skrur du ned til halve farten, så heller du sukkeret i eggekviten under pisking. Prøv å helle mellom kanten på bollen og piskeriset for å unngå å få sukkertrådar i marengsen.
Skru så opp farten til ca. 3/4, og pisk til marengsen er tjukk og skinnande og du kjenner at bollen ikkje er varm utanpå.
Italiensk marengs er ypparleg til toppinga på ei sitron- eller pasjonsfruktterte eller til omelette norvégienne. Han kan brennast av med ein gassbrennar. Italiensk marengs kan òg bli brukt i bærmousse.
