Mørdeig
Å lage mørdeig
Ingrediensar
160 g melis
160 g smør eller margarin
2 egg
400 g mjøl
Framgangsmåte
Alt blir blanda i ei kjøkkenmaskin med K-kroken til ein deig. Pakk deigen inn i tett plast, og la han kvile på kjøl i cirka ein time før bruk.
Store terter
Kjevl deigen ned på cirka 3 mm. Kjevle han så stor at han kan ligge utover kanten på ønskt terteform.
Legg eit papir over mørdeigen, og fyll opp med tørka erter eller ris.
Steik på cirka 175 gradar i 8 minutt, til kanten er gyllenbrun.
Ta forma ut av omnen, og løft papiret med ertene over i ein boks. Desse kan brukast fleire gonger.
Skjer kanten på terta med ein god kniv så han blir glatt og fin. Ettersteik i 5 minutt på 170 gradar. Avkjøl terta, og fyll med ønskt fyll.
Små terter
Kjevl mørdeigen ut til cirka 2 mm.
Stikk mørdeigen og legg den forsiktig ned i terteforma. Bruk ein rund utstikkar som er cirka 3 cm større enn diameteren på ønskt terteform. Bruk utsida av tommelen til å klemme av overflødig tertedeig.
Sett ei tilsvarande terteform oppi for at terta skal halde forma når ho blir steikt. Steik på 175 gradar i cirka 5 minutt. Ta ut terteforma oppi, og ettersteik cirka 3 minutt på 170 gradar. Bruk teflonbelagde terteformer. Avkjøl og fyll tertene med ønskt fyll.
