Jobb med filmen Elgskogen
Del 1. Før de ser filmen
Har nokon av dykk erfaringar med jakt frå før?
Uavhengig av om de jaktar eller ikkje: Kva tankar har de om jakt?
Kva kan vere grunnar til at nokon går på jakt?
Treng vi strengt tatt å jakte på dyr når vi får kjøpt det meste vi treng, i butikken?
Del 2. Sjå filmen Elgskogen
Sjå Elgskogen på bibliotektenesta Filmbib. Logg inn med nasjonalt lånekort.
Del 3. Diskuter filmen
Korleis er elgjakta organisert i Engerdal?
Kva betyr jakta for deltakarane i filmen?
Kva haldningar har deltakarane i filmen til vilt og natur?
Sjå for deg at du er førstegongsjeger og skal vere med på elgjakt. Kva kjensler trur du at du ville hatt? Korleis trur du at du ville reagert viss du fekk eit dyr på deg?
Kva kan vere ulike grunnar til å drive med storviltjakt?
Finn ut korleis storviltjakta er organisert i kommunen din.
Kan du sjå for deg at det kan oppstå nokre interessekonfliktar med andre brukargrupper i samband med storviltjakt?
Elgjakt har lange tradisjonar i Noreg. Haldningar til det å drive jakt har forandra seg frå tidlegare, og god forvaltning er avgjerande for ein berekraftig elgstamme. I tillegg til å hauste av overskotet i naturen handlar jakt òg om rekreasjon og samhald. Ta utgangspunkt i filmen og diskuter elgjakt og forvaltning ut frå dei tre dimensjonane i berekraftig utvikling:
klima og miljø
økonomi
sosiale forhold
