Servicemedarbeidarar skal kunne vurdere konfliktrisiko i ulike situasjonar og foreslå tiltak for å førebygge og handtere konfliktrisiko.
Kvar oppstår konfliktar?
Konfliktar kan oppstå overalt, også på arbeidsplassen. Som servicemedarbeidar er det viktig å kunne vurdere kva som kan skape ein konflikt, korleis ein kan unngå konfliktar, og korleis ein kan setje inn tiltak for å handtere konfliktar.
Kva bør du vite om konfliktar?
Som servicemedarbeidar er det viktig at du
- har kunnskap om ulike typar konfliktar
- kjenner til korleis konfliktar kan utvikle seg og bli forsterka
- evnar å handtere konfliktar
- har kunnskap om kommunikasjon, slik at du ikkje bidreg til å forsterke konflikten
Konfliktar er samanstøytar mellom interesser, verdiar og handlingar. På arbeidsplassen kan det oppstå konfliktar mellom
- arbeidsgivar og medarbeidar(ar)
- to eller fleire medarbeidarar
- medarbeidarar og kundar
Konsekvensar av konfliktar i arbeidslivet kan vere dårleg arbeidsmiljø, uvennskap, krenkingar, dårleg sjølvtillit, sjukmeldingar, dårleg kundeservice, dårleg omdømme for butikken og redusert omsetning.
For å kunne avdekkje konfliktrisiko må ein kunne kjenne att og oppdage teikn på at ein konflikt kan oppstå.
Relatert innhald
CC BY-SASkrive av Monica Gjertsen Steinbakk. Rettshavarar: NKI Forlaget og Amendor AS
Sist fagleg oppdatert 21.09.2023