Teoridel
Lærar gjennomgår kva artar som eignar seg til matlaging, og kva det er viktig å hugse på når de skal sanke.
Sanking
Finn ein eigna stad for sanking, ta med dykk utstyr, og sank det de finn av etande artar.
Tang og tare må nyttast kort tid etter sanking. Derfor må de bli einige om de har tid til å lage noko av tangen og taren rett etter sanking. Alternativet er å fryse han ned eller tørke han for så å lage noko av han seinare.
Førebuing til kjøkkenøkt
Klassen blir delt inn i fire grupper som får kvar si oppgåve:
gruppe 1: forrett
gruppe 2: hovudrett
gruppe 3: dessert
gruppe 4: bakverk
Kvar gruppe skal finne oppskrifter basert på oppgåva de har fått, og det de har sanka. Lag ein arbeidsplan.
Praktisk matlaging
Alle gruppene produserer rettane sine på kjøkkenet og presenterer dei for kvarandre på ein buffé eller som ein "sharing". Føremålet er at alle skal få smake på alle rettane.
Diskuter i klassen
Har nokon laga eller smakt mat med tang og tare før?
Korleis synest de rettane med desse råvarene smakte?
Kan de beskrive smaken?
Mange meiner at tang og tare er ein svært berekraftig ressurs som bør bli ein naturleg del av kosthaldet til både dyr og menneske. Er de einige eller ueinige?
Kva trur de må til for at tang og tare skal bli ein del av norsk kvardagskost?