Hopp til innhald
Oppgåve

Legg opp ein ferskvaredisk

Det er mange ting å tenkje på når ein ferskvarehandlar skal leggje opp ein innbydande disk. Produktplassering og temperatur er noko av det som er viktig.
Sjømat stilt ut i ein ferskvaredisk. Foto.
Bilete: Tom Knudsen / CC BY-SA 4.0

Oppgåve 1

Sjå filmen og les artikkelen om eksponering i manuelle diskar.

Lag eit samandrag av det du meiner er det viktigaste når vi skal leggje opp ein innbydande ferskvaredisk med eit breitt innhald av produkt.

Oppgåve 2

Sjå filmen og les artikkelen om internkontroll mat ferskvaredisk.

Lag eit samandrag av det du meiner er det viktigaste med tanke på

  • IK-mat i ferskvaredisk

  • personleg hygiene når ein jobbar som ferskvarehandlar

Oppgåve 3

Del klassen i tre grupper. Kvar gruppe skal setje seg inn i kvart sitt tema og presentere svara sine for resten av klassen. Presentasjonen kan innehalde både bilete og tekst.

  • Gruppe 1 skal finne fiskeprodukt som passar i ein ferskvaredisk

  • Gruppe 2 skal finne kjøtprodukt som passar i ein ferskvaredisk

  • Gruppe 3 skal finne produkt som er tilbehøyr til kjøt- og fiskeprodukt som passar i ein ferskvaredisk

Produkta kan vere ferske råvarer, tillaga råvarer eller ferdige rettar klargjorde for oppvarming.

Oppgåve 4

Kvar gruppe skal så velje ut fem av produkta frå oppgåve 3 og klargjere dei for plassering i ferskvaredisken. Gruppene må samarbeide om å setje saman ein innbydande ferskvaredisk som er lagd opp på riktig måte med tanke på produktplassering, temperatur og så vidare.

Alle produkta skal vere merkte og emballerte på riktig måte.