Desse oppgåvene tek utgangspunkt i filmen «The Imitation Game» og arbeidet som Alan Turing gjorde for å utvikle den moderne datamaskinen.
- Det blir sagt at knekkinga av Enigma-koden forkorta andre verdskrig. Kor mykje tid og kor mange liv kan det ha spart?
- Filmatiseringar fortel ofte ein annleis og overdriven versjon av verkelegheita. Søk på internett og prøv å finne ut kva delar av The Imitation Game som er pålitelege og sanne, og kva som er oppdikta. Skriv litt om kva du finn ut.
- Alan Turing er òg kjend for Turing-testen. Kva blir denne brukt til?
- Alan Turing blir rekna som ein av fedrane til den moderne datamaskinen. Men det var mange personar som spelte viktige roller i utviklinga som leidde fram mot dagens datamaskinar. Søk på internett og finn ut litt om nokre av dei andre.
CC BY-SASkrive av Tron Bårdgård.
Sist fagleg oppdatert 08.07.2020