Feltarbeid: abiotiske forhold i innsjøen

I denne oppgåva skal de ta vassprøver og analysere dei med tanke på abiotiske faktorar. De skal bruke resultata til å vurdere tilstanden i innsjøen.

Del 1. Innsamling av prøver

1. Ta vassprøver til analyse av næringsstoff i vatnet. Prøver i vassoverflata kan de ta direkte frå vatnet i eigna behaldarar. Viss de har ein vasshentar, kan de ta prøver frå ulike djupner.

2. Bruk ei sikteskive (secchiskive) til å måle siktedjupna. Senk skiva ned i vatnet heilt til de ikkje kan sjå ho lenger. Dra ho deretter litt opp igjen, slik at de skimtar skiva. Dette er siktedjupna. Mål siktedjupna fleire gonger ved ulike stader i innsjøen.

Del 2. Analyse av prøver

Gjennomfør analysar for ulike abiotiske faktorar i vatn. Bruk eit eige analysesett for måling av vasskjemi (nitrat, fosfat, pH og hardleik).

Viss ein annan klasse har gjort målingar i denne innsjøen tidlegare, kan de samanlikne og vurdere eventuelle avvik. Tyder avvika på at det har skjedd ei utvikling, eller er dei tilfeldige, kjem dei av ulik årstid eller noko anna?

• Lag oversikter over resultata dykkar, både tabellar og grafar.

• Bruk kartet i Vurder miljøtilstanden i vatn og vassdrag, og finn ut om det er gjort målingar i denne innsjøen tidlegare. Samanlikn resultata de fekk, med desse målingane.