HMS-arbeid i nærbutikken

Det er mykje å passe på for å sørgje for god HMS når ein driv butikk. I denne oppgåva skal du kontakte ein butikk i nærområdet ditt og snakke med den daglege leiaren. Om dette ikkje lèt seg gjere, kan du sende ein e-post til ein butikk og høyre om dei har tid til å svare på nokre spørsmål.

• Set deg inn i HMS-regelverket som gjeld for ein butikk i nærområdet – det kan vere kva type butikk som helst.
• Ring butikken, presenter deg høfleg, fortel at du jobbar med eit HMS-prosjekt på skulen, og undersøk om dei kan treffe deg for eit intervju.
• Avtal eit møte med den daglege leiaren for å snakke om HMS-arbeidet i butikken.
• Med utgangspunkt i arbeidsmiljølova §3-1 og Arbeidstilsynets HMS-opplæring for leiarar skal du lage eit intervju med den daglege leiaren der han eller ho fortel om korleis dei som arbeidsgivar driv eit systematisk HMS-arbeid.

• Gjennomfør intervjuet, og still spørsmål dersom du lurer på noko.
• Spør om du kan ta nokre bilete som du kan bruke i presentasjonen.
• Lag ein presentasjon av intervjuet, og gjer ei vurdering av det systematiske HMS-arbeidet.
• Presenter resultatet for kvarandre i klassa.

• Diskuter kvifor systematisk HMS-arbeid er viktig.