Oppgåve
Hotell Dovregubbens Hall
Dovregubbens Hall er eit tradisjonsrikt høgfjellshotell som ligg i hjartet av Dovrefjell. Hotellet har gjestar heile året, og i tillegg til overnatting driv dei ein restaurant og ein suvenirbutikk. I denne oppgåva skal du arbeide med HMS som sjef på hotellet.
Dovregubbens Hall i 1948. Bilete: Fredrik Bruno / CC BY-ND 4.0
Det er mange sesongtilsette i denne reiselivsbedrifta, og som hotellsjef er du ansvarleg for eit systematisk HMS-arbeid. Det er eit stort og viktig regelverk å ha oversikt over, og det kan vere mykje å lese kvar gong du skal setje nye tilsette inn i HMS-systemet. Derfor vil du lage deg eit hefte over dei viktigaste HMS-tiltaka som gjeld for hotellet ditt og dei tilsette.
Krav til HMS-arbeidet i reiselivsbransjen er beskrive på nettportalen NHO Reiseliv HMS.
- Jobb i par eller sjølvstendig.
- Skaff deg ei oversikt over kva lover og forskrifter som er aktuelle for bedrifta.
- Vel ut det du meiner er viktigast for hotellsjefen å jobbe med og informere om.
- Lag eit hefte du kallar «HMS på Dovregubbens Hall», og presenter det for dei andre i klassen.
Moskusokse på Dovrefjell. Bilete: Pethr / CC BY-SA 4.0