Observasjon og kommunikasjon

Observasjonsferdigheiter betyr at du bruker kunnskapane dine om observasjon i arbeidet ditt.

1. Bruk dokumentasjonsverktøyet til å lage døme på viktige observasjonar som blir gjorde i arbeidet i kvart av dei elleve yrka innan helse- og oppvekstfag. Grunngi kvifor det er viktig å gjere desse observasjonane.

2. Kvifor er det like viktig å legge merke til mangel på endringar som på endringar hos den du observerer?

Taus kunnskap er eit omgrep som ofte blir brukt om kunnskap det kan vere vanskeleg å formulere med ord, men som blir lært gjennom praktiske handlingar.

Jobb saman med ein eller fleire medelevar og søk på internett til å finne ut meir om taus kunnskap.

1. Lag dykkar eigen definisjon av omgrepet taus kunnskap.

2. Finn døme på kunnskap som de har, men som er vanskeleg å forklare teoretisk til andre.

3. Kva trur de er samanhengen mellom taus kunnskap og observasjons- og kommunikasjonsferdigheiter? Bruk døma dykkar frå oppgåva om observasjonsferdigheiter til å forklare.