Oppgåve
Kjøp av pakkereise
Kva forpliktingar har ein turoperatør overfor kundane sine når operatøren sel pakkereiser? Føresegnene i pakkereiselova seier noko om kva rettar kundane har ved kjøp av pakkereiser. I denne oppgåva skal du gjere greie for pakkereiselova.
Vil du rå dama på biletet til å kjøpe ei pakkereise når ho skal på sin neste ferietur? Bilete: Henning Carr Ekroll / CC BY-NC-SA 4.0
Forklar kva som er meint med ei pakkereise.
Når gjeld pakkereiselova?
Set opp nokre viktige punkt om dei rettane kunden har etter pakkereiselova.
Gjer greie for nokre av fordelane kunden får ved å bestille ei pakkereise framfor å bestille frå ulike aktørar og setje saman turen sjølv.
Forklar kva Reisegarantifondet er.
Når du kjøper ei pakkereise, er det arrangøren som er ansvarleg for at innhaldet blir som du kan forvente ut frå marknadsføringa. Bilete: Halvard Alvik / CC BY-NC-SA 4.0
Tenk deg at du jobbar i eit reiseselskap. Ein kunde har kjøpt ei pakkereise der føremålet med reisa har falle bort. Kunden skulle på skiferie, men så har skianlegget blitt stengt på grunn av for lite snø.
Gjer greie for kva rettar kunden har, og korleis vi som reiseselskap bør handtere situasjonen.