Fase 1: Planlegging
Du skal no planlegge ei oppslukande nyheitsforteljing der du tek i bruk både skriftleg tekst, 360-gradarsvideo og ulike former av virtuell verkelegheit (VR). Nyheitsforteljinga skal publiserast i ei nettavis.
Du kan sjølv velje kva nyheitsforteljinga skal handle om.
Planen din skal innehalde
ei skildring av korleis du vil vinkle saka
ei skildring av korleis du vil gjennomføre researchfasen
ei oversikt over aktuelle kjelder du vil bruke
ei oversikt over intervjuobjekt, medverkande og locations
eit stikkordmanus for den skriftlege delen av nyheitsforteljinga
eit biletmanus som grovt skisserer korleis du vil legge til rette ein 360-gradarsvideo
ei skildring og ei visuell skisse som viser korleis du vil ta i bruk virtuell verkelegheit som ein del av nyheitsforteljinga
Fase 2: Vurder planen din kritisk
I neste fase skal du gjennomføre ei kritisk vurdering av planen din ut frå det du veit om oppslukande journalistikk og ny teknologi. Lag eit notat som beskriv
korleis og i kva grad du har sørgt for at mottakarane har fått ei rolle i nyheitsforteljinga du har planlagt
kva verkemiddel du har valt for å skape kjenslemessige band til menneska, hendingane og stadane historiene handlar om
etiske problemstillingar som du har teke stilling til i planlegginga av nyheitsforteljinga
kvifor mottakarane vil oppleve nyheitsforteljinga di som innovativ og engasjerande