Tips til lærar
Her er det fint å jobbe i par. Det hjelper gjerne på kreativiteten.
Andre reglar kan sjølvsagt òg brukast i oppgåva, som til dømes Fjellvettreglane (snl.no)
Plukk ut dei beste forslaga og set saman eit "nytt" skulereglement som blir sendt til rektor. Ein kjend mottakar kan motivere til innsats!
Oppgåve
Dei barokke diktarane brukte mange språklege bilete i tekstane sine. Det er sterke kjensler, gjerne skildra med snirkla setningar og vanskelege ord. Sjå gjerne filmen over før du arbeider vidare.
Del 1: Finn stilen
Les eit barokkdikt (eller fleire) og strek under dei språklege bileta du finn. Du kan gjerne kopiere dei og lime dei inn i dokumentet du skal jobbe vidare i.
Relatert innhald
Del 2: Skriv om reglane
Finn ordensreglementet til skulen. Ofte ligg det på nettsida til skulen. Kopier og lim inn minst ein av reglane i dokumentet ditt.
Dryss litt barokkmagi over regelen ved å herme etter dei språklege bileta frå salmane du fann i del 1.
Del 3: Del dei nye reglane
Klassekviss: Les opp dei nye reglane etter tur. Klarer klassen å gjette kva regel det er?
Del 4: Teksten i kontekst
Kvifor brukte diktarane i barokken så mange språklege bilete og snirkla språk?
Kva effekt har det barokke sløret på skulereglementet?