Dikt, forteljingar og skodespel, men også saktekstar, gir oss innblikk i korleis menneske har levd, tenkt og følt til ulike tider. Leseopplevingar kan gjere oss glade, ettertenksame, triste eller sinte – og alltid litt klokare!

I møte med andre sine normer og verdiar utviklar vi vår eigen identitet og kulturen vår. Mange litterære tekstar framstiller korleis vi menneske stiller oss til kvarandre, og kanskje spesielt utfordringane som oppstår når ulike kulturar møtest.