Demoforsøk: Flammefargar

I dette forsøket skal du brenne løysningar av ulike salt for å få fram dei karakteristiske fargane til metalliona som inngår i salta. Denne metoden kan òg brukast når ein analyserer eit salt, for å finne ut kva metallion som inngår i saltet.

• natriumklorid, $$ \mathrm{NaCl}$$

• koparklorid, $$ {\mathrm{CuCl}}_2$$ (Sikkerheitsdatablad for kopar(I)klorid)

• litiumklorid, $$ \mathrm{LiCl}$$ (Sikkerheitsdatablad for litiumklorid)

• strontiumkloridheksahydrat, $$ {\mathrm{SrCl}}_2·{\mathrm{ 6H}}_{2}O$$, (Sikkerheitsdatablad for strontiumkloridheksahydrat)

• etanol (Sikkerheitsdatablad for etanol)

• begerglas eller keramikkskåler

• fyrstikkar

• vernebriller, hanskar og labfrakk

Gjennomfør forsøket i eit avtrekksskap. Det er lettast å sjå flammefargane viss det er mørkt i rommet.

1. Lag 0,1 % løysningar av dei ulike salta ved å vege inn 0,1 g stoff som blir løyst i 100 mL 70 % etanol.

2. Tilset litt av løysningane i eit lite begerglas eller i ei keramikkskål.

3. Tenn på løysningane med ein lang fyrstikk.

Tabellen viser eit utdrag av moment for dei ulike stoffa. Les datablada for dei enkelte stoffa for detaljert informasjon om bruk, verntiltak og avfallshandtering.

Risikomoment ved stoffa i forsøket

stoff	faresetningar	piktogram	avfallshandtering
koparklorid	Farleg ved svelging eller hudkontakt. Irriterer huda. Gir alvorleg augeskade. Særs giftig, med langtidsverknad, for liv i vatn.	CC0 Bilete: UNHECE CC0 Bilete: Miljødirektoratet CC0 Bilete: Miljødirektoratet	Blir behandla som farleg avfall.
litiumklorid	Farleg ved svelging. Irriterer huda. Gir alvorleg augeirritasjon.	CC0 Bilete: Miljødirektoratet	Blir behandla som farleg avfall.
strontiumklorid	Gir alvorleg augeskade.	CC0 Bilete: Miljødirektoratet	Blir behandla som farleg avfall.
etanol	Særs brannfarleg væske og damp. Gir alvorleg augeirritasjon.	CC0 Bilete: UNHECE CC0 Bilete: Miljødirektoratet	Blir behandla som farleg avfall.