Kva skjer når lys går gjennom ein gass?
Lyset består av mange små energipakkar (foton) som møter atoma i gassen. Foton med riktig energi kan dytte elektron ut til høgare energinivå (elektronskal som ligg lengre ut). Dette blir kalla eksitering. Nokre foton vil kollidere og eksitere elektron som er i det lågaste energinivået (inste skal), mens andre kan eksitere elektron som ligg på andre energinivå.
Vi er vande med å sjå hydrogenatomet teikna med eitt elektron på lågaste energinivå, men i alle reelle situasjonar vil nokre hydrogenatom ha elektron som ligg i andre energinivå enn det lågaste.
Absorpsjonsspekter
Når fotoner med ei bestemt bølgjelengde eksiterer elektron, vil dei bli absorberte (stoppa), og ikkje passere gjennom gassen. Lysspekteret får då svarte striper, som er karakteristisk for denne gassen. Dette blir kalla eit absorpsjonsspekter.
Bruk simuleringa under til å løyse oppgåvene under.