Personleg verneutstyr

Dette personlege verneutstyret må du bruke når du jobbar med ei platesaks:

• heildekkande arbeidstøy

• vernesko

• vernehanskar

I enkelte tilfelle vil det også vere behov for å bruke høyrselsvern, og du blir uansett tilrådd å bruke vernebriller.

Det finst også eigne skilt som gir informasjon om påkravd verneutstyr. Klikk på biletet for å lese meir om verneutstyret og skilta – eller les fagteksten nedanfor.

Heildekkande arbeidstøy

Arbeidstøyet må vere av eit sterkt materiale som kan verne deg mot kutt frå plater med skarpe kantar.

Påbodet om å bruke heildekkande arbeidstøy er varsla med eit rundt skilt som viser ein kvit, heildekkande kjeledress på blå bakgrunn.

Vernesko

Når du jobbar med ei platesaks, må du handtere store og tunge plater som kan ha skarpe kantar. Då er det viktig at du bruker vernesko for å verne føtene dine i tilfelle du er uheldig og mistar noko.

Påbodet om å bruke vernesko er varsla med eit rundt skilt som viser ein blå og ein kvit vernestøvel på blå bakgrunn.

Vernehanskar

Når du handterer plater, må du bruke hanskar for å unngå at du kuttar hendene på skarpe kantar. Det er viktig at du bruker hanskar som er berekna for platearbeid og er motstandsdyktige mot kutt.

Påbodet om å bruke vernehanskar er varsla med eit rundt skilt som viser ein kvit og ein blå hanske på blå bakgrunn.

I denne oppgåva skal du kombinere sikkerheitsrisikoar med nødvendig verneutstyr.

Dra risikofaktorane inn på rett påbodsskilt for verneutstyr. Nokre risikofaktorar kan krevje fleire typar verneutstyr.