Oppsummering

Du har no fått ei innføring i sikker bruk av ei platesaks og tips og råd om handtering av metallplater. Då står det att ein praktisk demonstrasjon på verkstaden før du kan få godkjent sikkerheitsopplæringa.

Dette har du lært om platesaksa

• Du har fått sjå ein introduksjonsfilm om sikker bruk av ei platesaks.

• Du har også fått informasjon om kva risikomoment du kan bli utsett for, og kva verneutstyr du må bruke for å redusere risikoen for å bli skadd.

• I tillegg har du fått informasjon om korleis platesaksa er bygd opp, kva verneinnretningar som finst, og korleis du stiller inn maskina før bruk.

Du er no klar for den praktiske gjennomgangen.

Praktisk gjennomgang på verkstaden

Du skal no gå på verkstaden og sjå på dei ulike platesaksene de har. Det er viktig at du set deg inn i verneinnretningane for dei ulike maskinene fordi dei kan vere ulikt utforma.

Når du sjølv meiner du har god nok kunnskap om sikker bruk av ei platesaks, fyller du ut eigenerklæringa. Eigenerklæringa tek du med til læraren når du skal gjennomføre den praktiske demonstrasjonen.