Kva er det som eigentleg skjer når vi kommuniserer med kvarandre, og korleis kan vi formidle bodskapen vår på ein god måte? Dette emnet handlar om ulike former for kommunikasjon og teoriar om kommunikasjon, språk, teikn, argumentasjon og medium.

Kommunikasjon utan bruk av ord kallar vi ikkje-verbal kommunikasjon. Vi kommuniserer med kroppsspråket vårt, og måten vi seier noko på, betyr òg noko. Korleis kan vi bruke ikkje-verbal kommunikasjon til å formidle ein bodskap?