Planlegging av arrangementssikkerheit

For at gjestane skal få ei god arrangementsoppleving, er det viktig at sikkerheita er vareteken. Tiltak som betrar sikkerheita, blir ofte òg opplevde som god service. Til dømes vil det å avgrense ventetida i ulike køar vere både eit sikkerheitstiltak og eit servicetiltak.

Skal du arrangere ein stor konsert eller ein firmatur? Det er viktig at du forstår arrangementet, slik at du kan danne deg eit inntrykk av kva publikum som kjem. Består publikum av menneske som ofte deltek på arrangement? Kva forventningar har dei til gjennomføringa? Kva risikofaktorar fører dei med seg?

Det er fullt mogleg å gjennomføre eit sikkert arrangement på Operataket, sjølv om det fort kan bli kaos når ein set opp ein gratiskonsert med Justin Bieber. For å få eit rett bilete av risikoen arrangementet medfører, må vi vite kva publikum vi tiltrekkjer oss.

Lite plass kan by på store problem. Når programmet for arrangementet er sett, kan du begynne å kartleggje korleis folk kjem til å bevege seg undervegs. Før og etter eit innslag vil det til dømes vere stor belastning ved inn- og utgangar, og då kan desse bli risikopunkt.

Sørg for at tiltaksplanar er forståelege for dei som skal gjennomføre tiltaka. Lag gode støtteverktøy, bruk enkle malar. Hald det kort og ha klart for deg kven du lagar planane for.

Det er ei utfordring å gjere om mange planar og analysar til noko personalet kan bruke i praksis. Enkle planar med gode og oversiktlege spørsmål er å føretrekkje framfor avanserte planar som ingen forstår.

Her er eit døme på kor enkelt eit planleggingsdokument kan setjast opp: