Tryggleik for ein julemarknad
Ungdomsbedrifta Kokosnøtt kafé planlegg julemarknad, og arrangementet skal passe for heile familien. Ved å dekorere kafeen og uteområdet håpar dei å skape ei hyggjeleg stemning, slik at mange ønskjer å komme. På julemarknaden har dei som mål å få selt eigenproduserte sesongvarer og julebakst.
Dei vil òg arrangere aktivitetar som er enkle å gjennomføre utan for store investeringar.
Innandørs | Utandørs |
|---|---|
| Kafédrift og sal av varer | Nissesekkeløp |
| Peparkakelandsby | Julegrantenning |
| Mini-juleverkstad | Leikeområde for dei minste |
| Rebusløp | Rebusløp |
Risikovurdering
Når vi skal gjennomføre ei risikovurdering, må vi vurdere kva for nokre uønskte hendingar som kan skje. I denne vurderinga kan det vere lurt å sjå på historikk: Har det tidlegare oppstått hendingar som det er sannsynleg at kan skje igjen? Kva for andre uønskte hendingar kan hende?
Etter å ha kartlagt moglege uønskte hendingar, må vi vurdere korleis vi best forhindrar at slike hendingar hender. Vi må òg setje opp tiltak for kva som skal gjerast om uønskte hendingar likevel hender.
I gjennomføringa av ei risikovurdering kan det vere nyttig å bruke ein enkel mal som støtteverktøy – til dømes denne:
Kva kan skje? | Kva kan vi gjere for å forhindre at det skjer? | Kva gjer vi viss det likevel skjer? |
|---|---|---|
| * |
Lag ei risikovurdering for julemarknaden. Bruk malen ovanfor.
Korleis kan god tryggleik bli ein del av serviceopplevinga på julemarknaden? Les den relaterte artikkelen, «Planlegging av arrangementstryggleik», og beskriv korleis og kvifor tryggleiken er viktig for serviceopplevinga på julemarknaden.
Relatert innhald
Når vi skal planleggje sikkerheita på eit arrangement, må vi forstå arrangementet og prøve å sjå for oss korleis publikum kjem til å oppføre seg.