Ein barne- og ungdomsarbeidar skal alltid ha fokus på det beste for barn og unge og arbeide medvite for å oppnå dette i kvardagen. For å vere ein profesjonell barne- og ungdomsarbeidar må du vite kva krav og forventningar det er til yrket ditt, og kva ansvar du har.

Digitale verktøy er ein del av kvardagen til barn. Derfor er det viktig at tilsette har ei grunnleggjande forståing av kva for digitale verktøy som eignar seg til bruk med barn og unge. Du må òg utøve digital dømmekraft slik at du kan rettleie barn til å gjere kloke val i den digitale kvardagen sin.