Oppdrettsnæringa har hatt ei rivande utvikling sidan ein først starta med lakseoppdrett i slutten av 1960-åra. No vert produksjonen driven med avansert teknologi og krev høg kompetanse. Oppdrettsfisk er ei av Noregs viktigaste eksportartiklar, og ein leverer til mange internasjonale marknader.

Dei fleste knyter fiskeoppdrett til laks, den arten det vert drive mest oppdrett på i Noreg. Men både kveite, torsk og piggvar er aktuelle artar. Vi får kjøpt blåskjel frå oppdrett i butikkane, og det vert drive forsøk med kamskjel, kråkebollar og krepsdyr. Det vert stadig forska på nye artar.