Oppdrettsnæringa har hatt ei rivande utvikling sidan ein først starta med lakseoppdrett i slutten av 1960-åra. No vert produksjonen driven med avansert teknologi og krev høg kompetanse. Oppdrettsfisk er ei av Noregs viktigaste eksportartiklar, og ein leverer til mange internasjonale marknader.

Som fagarbeidar i akvakultur jobbar du i ei næring som skaper store verdiar. Arbeidsplassen og arbeidsoppgåvene er varierte, og du må ha både biologisk, teknologisk og økonomisk kompetanse.