Arbeidsoppgåver for tannhelsesekretæren

Kompetanse

Kompetansen til tannhelsesekretæren består av kunnskapar, ferdigheiter, haldningar og eigenskapar. I tillegg er evna til refleksjon og kritisk tenking ein del av kompetansen.

1. Sitt saman i små grupper på tre eller fire elevar. Diskuter kva kunnskapar, ferdigheiter, haldningar og personlege eigenskapar de meiner er nødvendige for at ein tannhelsesekretær skal kunne vere

   1. ein profesjonell yrkesutøvar i arbeid med pasientar

   2. ein del av teamet på tannklinikken

2. Lag ei liste med fem punkt frå oppgåve 1 om kva de meiner er viktig for å vere ein profesjonell tannhelsesekretær.

3. Skriv ei kort grunngiving til kvart punkt om kvifor dette er ein viktig del av kompetansen til tannhelsesekretæren.

4. Presenter lista for resten av klassen.

5. Gjennomfør ein diskusjon i klassen der gruppene samanliknar lister og grunngivingar for vala de har teke.

Rollespel: Ein nervøs pasient i tannlegestolen

2. Gjennomfør rollespelet

• Øv på rollespelet til det flyt fint. Byt roller slik at begge får prøvd seg som både pasient og tannhelsesekretær.

• Gjennomfør rollespelet i klasserommet eller i tannklinikken til skulen. De kan velje sjølve om de vil framføre ein versjon av rollespelet framfor klassen eller spele inn ein film og vise han i klassen.

3. Eigenvurdering og vurdering frå medelevar

Reflekter kort over det faglege innhaldet i rollespelet dykkar, og gi medelevar høve til å gi konstruktive tilbakemeldingar. De kan gjerne fokusere på to punkt som fungerte bra, og eit punkt som kan forbetrast.

Utforsk arbeidsoppgåvene til tannhelsesekretæren

1. Les fagartikkelen "Å jobbe på tannklinikk" for å lære om arbeidsoppgåvene til ein tannhelsesekretær.

2. Ta kontakt med ein tannklinikk. Be om å få komme på besøk og gjennomføre eit intervju og eventuelt observere gjennomføring av nokre arbeidsoppgåver. Har du praksis på ein tannklinikk, kan du fint gjennomføre denne oppgåva på din eigen praksisstad. Viss det er vanskeleg å få kontakt med ein tannklinikk, kan det vere eit alternativ å kontakte elevar og lærarar på vg3 tannhelsesekretær eller ei av fagforeiningane for tannhelsesekretærar.

3. Lag spørsmål til intervju. Hugs at du skal utforske kva tannhelsesekretæren gjer, korleis oppgåvene blir utførte, og kvifor.

4. Noter stikkord om kva det er lurt å observere.

5. Gjennomfør intervju og observasjon. Hugs å innhente samtykke dersom du tek bilete, video- eller lydopptak.

6. Lag eit samandrag av intervjua og dine eigne observasjonar, og lag ein presentasjon. Bruk eventuelt bilete, video- og lydopptak.

7. Presenter for klassen.