Mange skulle ønske at dei lærte meir om kjønn, kropp og seksualitet då dei gjekk på skulen. Det får de anledning til i desse oppgåvene. Her skal de diskutere mange ulike sider ved både kjønn, kropp og seksualitet.
Nedanfor har vi samla eit forslag til oppgåver de kan jobbe med for å lære meir om kjønn, kropp og seksualitet. Forslaga er samla i økter som varer cirka 20–30 minutt, så det passar godt å jobbe med dei i klassens time. Vi har laga eit forslag til progresjon som eignar seg om de ønsker å jobbe med fleire økter over ein lengre periode. Det er likevel ikkje nødvendig å følge denne rekkefølga. De kan godt velje ut éi eller to økter og berre jobbe med dei.
Sjå ein kort film om seksualitet, diskuter kva seksualitet er, og korleis vi kan snakke om det på ein god måte. Du finn filmen og oppgåvene i lenka under.
Vi har alle ein seksualitet, og vi er alle fødde som seksuelle vesen med ei evne til å nyte. I denne oppgåva skal de lese ein artikkel om tilfredsstillande seksualitet, og reflektere over korleis vi kan få eit tilfredsstillande seksualliv. Gjer oppgåve 1 og 2.
Forelsking og forhold byr på ulike utfordringar. I denne oppgåva skal du reflektere over korleis nokre ungdommar kan løyse dei utfordringane dei står overfor på ein best mogleg måte.
Kva for nokon seksuelle rettar har du? I denne oppgåva skal de reflektere over nokre konkrete utfordringar ulike ungdommar møter på, og undersøke kva for nokre seksuelle rettar dei har.
Tips til læraren: Som førebuing til timen kan du lese artiklane under om seksuelle rettar og seksuelle orienteringar. I timen bør du gå kort gjennom kva for nokre seksuelle rettar vi har og dei vanlegaste seksuelle orienteringane, før elevane diskuterer casane.
Blir det tid, kan de gjere oppgåva under. Her skal de reflektere over kva for haldningar som kan føre til seksuelle overgrep, og kva for haldningar som kan hindre det.
Det finst ulike filmar om samtykke. I artikkelen under finn du ein film frå Redd Barna som heiter Samtykke, som å lage en kopp te og eit klipp frå NRK-serien Skam, som du òg kan bruke i undervisninga.
Mange unge sitt syn på seksualitet blir påverka av porno, men dette blir sjeldan snakka om i klasserommet. I læringsstien under er det eit forslag til korleis du kan ta opp temaet Porno i klasserommet.
Det er mange ungdommar som kjenner på kroppspress. I denne oppgåva skal du lytte til ein podkast om kroppspress med komikar Jonis Josef, og reflektere over kva som skaper kroppspress, og korleis du kan takle det.
Kva er kjønn? Det finst fleire ulike måtar å forstå kva kjønn er. I denne oppgåva skal de sjå ein film og reflektere over kjønnsidentitet og kjønnsnormer. Gjer oppgåve 1 og 2. Blir det tid, kan de òg gjere oppgåve 3.
Det finst eit mangfald av kjønnsidentitetar og kjønnsutrykk. I denne oppgåva skal de sjå episoden "Trans eller født i feil kropp?" frå NRK-serien Ikke snakk om det (lengde 0:19) og diskutere kjønnsmangfald. Gjer oppgåve 3. Blir det tid, kan de òg gjere oppgåve 1 og 2.
