Mineral for eit moderne samfunn

Oppgåvebeskriving

Denne oppgåva kan løysast individuelt eller i par. Oppgåva går ut på å lage ein plakat om ein mineralressurs som finst i Noreg. Les heile oppgåvebeskrivinga før du set i gang.

1. Vel ein mineralressurs som finst i Noreg

Undersøk nokre mineralressursar som finst i Noreg, og finn ut kva desse kan brukast til. Bruk gjerne nokre av døma her eller finn andre mineral. Vel så ut ein mineralressurs som skal presenterast i plakaten.

Døme på mineralressursar i Noreg

• kvarts

• grafitt

• jernmalm

• kalkstein

• dolomitt

• feltspat

• kopar

• fluoritt

• gull

2. Undersøk og finn informasjon

Undersøk ulike kjelder for å finne informasjon om

• kva mineralressursen blir brukt til

• kvar i Noreg han finst

• korleis han blir vunnen ut

• konsekvensar av utvinning og bruk for miljø og samfunn

3. Lag ein plakat

Bruk informasjonen de har funne, til å lage ein attraktiv og informativ plakat som presenterer relevant informasjon om mineralressursen de har valt. Vel om de vil lage plakaten for hand eller digitalt (kan lagast i til dømes Word, PowerPoint eller andre program som de er kjende med). Hugs å lagre plakaten som pdf eller biletfil.

Plakaten bør ha

• overskrifter

• fakta om mineralressursen

• informasjon om bruksområde og relevans i samfunnet

• refleksjonar om miljø- og samfunnspåverknad

• relevante bilete og illustrasjonar

• kart med markering av kvar mineralressursen finst i Noreg

• kjelder