Oppgave
Bruk av fellesgode
Reiselivet baserer seg ofte på fellesgode, som er tilgjengelege for alle. Flott natur er eit av dei viktigaste fellesgoda for norsk reiseliv.
Toppturar og andre naturopplevingar har blitt veldig populært, og #instaspot har blitt ein utbreidd emneknagg. Mange bruker den til å vise opplevingane sine på Instagram og i andre sosiale medium. Bilete: Tom Knudsen / CC BY-SA 4.0
Søk på nett, og diskuter i par:
- Korleis marknadsfører norsk reiseliv fellesgoda i Noreg?
- Korleis trur de fellesgoda, og tilrettelegginga av desse, blir finansierte? Korleis bør dei bli finansierte?
- Bør turistar betale for å bruke fellesgoda – kvifor, og kvifor ikkje?
Fellesgoda er ofte kjernen i reiselivsproduktet, og dei er gode vi alle har tilgang til. Fellesgode inkluderer alt frå turiststiar, skiløyper og byparkar, til opne konsertar og retten til å slå opp telt i utmarka.
I denne oppgåva skal de gå ein tur ut og ta bilete av fellesgoda der de bur.
- Del klassen i tre grupper.
- Gruppe 1: Gå ut og ta bilete av natur- og kulturgode.
- Gruppe 2: Gå ut og ta bilete av infrastruktur, som til dømes parkar, toalettanlegg, flyplassar og annan infrastruktur som er viktig for reiselivet.
- Gruppe 3: Oppsøk ei reiselivsbedrift (turistkontor, overnattingsstad med meir) og finn bilete i marknadsføringsmateriell som viser korleis fellesgoda blir brukte i marknadsføringa av destinasjonen. Sjå til dømes på brosjyrar og digitalt marknadsføringsmateriell som blir brukte i marknadsføringa av heimstaden dykkar.
- Lag ein presentasjon av bileta dykkar.
- Sett presentasjonane saman til ei felles oversikt over fellesgoda i reiselivet frå der de bur. Kanskje er det meir enn de trudde?
Frognerparken i Oslo med skulpturane "Fontenen" og "Monolitten" i bakgrunnen. Bilete: Olav Urdahl / CC BY-NC-SA 4.0
Relatert innhald
Fagstoff
Samarbeid om fellesgodeReiselivet baserer seg ofte på fellesgode som er tilgjengelege for alle. Slike gode betyr mykje for attraksjonsverdien til mange destinasjonar.