Nasjonal satsing, lokalt arbeid

Oppgåvene nedanfor kan løysast individuelt eller i grupper. Etterpå kan de diskutere svara i klassa.

Organisering

Undersøk og gi døme på korleis reiselivet er organisert i nærområdet ditt. Aktuelle spørsmål:

• Finst det eit eige destinasjonsselskap?

• Korleis er samarbeidet mellom myndigheitene og private aktørar?

• Korleis er samarbeidet mellom reiselivsaktørar og andre næringar?

• Er det endringar i organiseringa etter at den nye nasjonale reiselivsstrategien blei lansert? Korleis og kvifor, i så fall?

Utvikling av opplevingar og reisemål

Undersøk og gi døme på følgjande:

• Korleis blir opplevingstilbodet på din heimstad teke vare på og vidareutvikla?

• På kva måte blir den nasjonale strategien implementert i det lokale arbeidet?

• Blir det jobba med Merket for berekraftig reisemål? Dersom ja, på kva måte? Dersom nei, kvifor ikkje?

Sal og marknadsføring

Drøft salet og marknadsføringa av norsk reiseliv:

• På kva måte bidreg regjeringa i salet og marknadsføringa av norsk reiseliv?

• Kva meiner du regjeringa bør satse på, og kvifor?

• Kva målgrupper har reiselivsnæringa på din heimstad, og korleis blir desse målgruppene nådde?

• Korleis kan marknadsføring bidra til ei berekraftig reisemålsutvikling?