Tenk deg at du har ei bedrift som sel varer eller tenester med utgangspunkt i det yrkesfaglege programmet du går på. Det kan vere ein blomsteroppsats som skal lagast eller ein lettvegg som skal setjast opp. Nokon vil selje poteter i sekkar på 2,5 kilo, medan andre skal berekne pris for å setje opp ei nettside.
Oppgåve 1
Skriv opp minst tre produkt som høyrer til det yrkesfaglege programmet ditt. Hugs at med produkt blir det meint både varer og tenester. Ta med alt som inngår i produktet, inkludert arbeidstid.
Døme
"Striper med klipp" er eit produkt frå utdanningsprogrammet frisør, blomar, interiør og eksponeringsdesign. I produktet inngår foliestriper, hårfarge (1 eller 2 fargar), vask, hårkur, klipp, stylingprodukt og hårføning. Arbeidstid: 120 minutt.
Oppgåve 2
Vel deg ut eitt av produkta dine og kalkuler prisen på det, inkludert meirverdiavgift. Bestem sjølv om du vil bruke sjølvkostmetoden eller avansemetoden. Bruk så realistiske tal som mogleg for materialkostnader og timepris på arbeidstida di.