Diskuter statistiske framstillingar, test ut visualisering av data og diskuter kvifor kompetanse på å lese talgrafikk er sentral for å utøve god kjeldekritikk.
1 Diskuter visuell framstilling av statistikk
Les følgjande sak:
Artikkelen "Venstre dempet skrytegrafen om klimakutt etter massiv kritikk" på nrk.no
- Diskuter framstillinga av taldata i dei to grafane med ein medelev. Kva er rett og kva er gale med kvar av dei? Kvifor har den eine av grafane fått så mykje kritikk?
- Kva tenkjer de er det viktigaste som kjem fram i nyheitsartikkelen?
2 Undersøk visualiseringar
Undersøk ulike visualiseringar gjorde i verktøyet Flourish av datasettet Norsk mediebarometer 1990–2018 fra SSB.
Plukk ut og svar på nokre av spørsmåla nedanfor:
- Forklar kva X- og Y-aksar står for – for kvar visualisering.
- Vurder om visualiseringane viser kjeldedatasettet på ein god måte. Her er lenkje til datasettet: datasettet Norsk mediebarometer 1990-2018 fra SSB.
- Korleis tenkjer de at det er mogleg å visualisere mediebruksutviklinga meir presist enn i døma over?
- Dersom du vil vise at trykte medium blir mindre brukt, korleis kan du vise det med grafar?
- Kva for framstilling fortel oss mest om den totale bruken av medium?
- Nokre av grafane er relativt flate, kva kan det skyldast?
- Les folk mindre nyheiter no enn i 2011?
- Et internettbruken av andre medium, eller kjem den på toppen av det andre?
3 Lek deg med visualisering
Bruk “Duplicate and edit” på ein av grafane, vel 'Data' og gjer endringar i visingsvala. Du kan også fjerne delar av datasettet.
- Vel deg eit fokus, til dømes kan du velje bort mediebruken det skjer minst med frå 1990–2018.
- Eventuelt – korleis kan du synleggjere på ein tydelegare måte aukinga i bruk av internett samanlikna med dei andre media?
- Klarer de å få visualiseringane til å bløffe eller vise noko på feil måte?
4 Set deg inn i kva talgrafikk er og vurder ulike døme
- I denne artikkelen på tallgrafikk.no får du vite kva talgrafikk og datavisualisering er. Oppsummer det du får vite her gjennom å formulere tre setningar med eigne ord.
- Gå inn og undersøk desse eksempla på datavisualisering på nettsidene til Tallgrafikk. Bli enige med ein medelev om kva for nokre av døma som formidlar eit datasett best.
5 Diskuter
Korleis og kvifor er kompetanse på datavisualisering sentral i kjeldekritikk og kritisk mediekompetanse?
- Kva bør de sjå etter når de får presentert grafar og statistikk?
- Finst det typiske måtar data blir vist feil på?
- Korleis kan de raskt sjå om nokon prøver å bløffe eller vise noko anna enn det tala fortel?
CC BY-SASkrive av Albertine Aaberge og Guttorm Hveem.
Sist fagleg oppdatert 20.11.2019