Oppgåve 1: Set deg inn i fagstoff
a) Les ein fagtekst.
Set deg inn i fagteksten "Norsk mediestruktur og mediemangfald".
b) Forklar eit fagomgrep skriftleg.
Mediemangfald er eit viktig prinsipp for ei velfungerande offentlegheit. Skriv ein kort tekst der du med dine eigne ord forklarer kva mediemangfald handlar om.
c) Forklar fagomgrep munnleg.
Når vi snakkar om mediemangfald, skil vi mellom desse omgrepa:
avsendarmangfald
innhaldsmangfald
bruksmangfald
Forklar dei tre omgrepa munnleg for ein medelev.
Oppgåve 2: Studer ein rapport og svar på spørsmål
NRKs bidrag til mediemangfaldet
Gjennom samfunnsoppdraget sitt skal NRK sikre eit mangfaldig og kvalitativt godt tilbod som er tilgjengeleg for heile befolkninga. Du skal no sjå nærare på korleis NRK bidreg til mediemangfaldet i Noreg.
a) Studer denne rapporten frå Medietilsynet:
NRKs bidrag til mediemangfoldet
b) Svar på desse spørsmåla:
Kva er hovudkonklusjonen i rapporten?
Korleis beskriv rapporten NRKs bidrag når det gjeld innhaldsmangfald?
Korleis beskriv rapporten NRKs bidrag når det gjeld bruksmangfald?
Oppgåve 3: Oppsummering og refleksjon
Gå saman i grupper og diskuter desse spørsmåla:
På kva måte kan NRKs bidrag til mediemangfald styrkje offentlegheita i Noreg?
Korleis kan NRK motverke polarisering i den offentlege debatten?
Korleis kan NRK bidra til å motverke ein ekkokammereffekt i samfunnet?