I arbeid med barn og unge skal vi ta vare på behovet til barn for omsorg og leik og fremje læring og danning. Dette utgjer ein heilskapleg pedagogikk. Vi må observere og planleggje, reflektere og vurdere for å sikre det pedagogiske arbeidet.

Observasjon er eit hjelpemiddel for å sjå, forstå og hjelpe enkeltbarnet og barnegruppa. Det gir oss moglegheit til å reflektere og vurdere vår eigen innverknad på barnet. Det er viktig at du meistrar observasjon som metode for å kunne planleggje, gjennomføre og vurdere i arbeidet med barn og unge.