Etter kvart som logistikkoperatørane på eit lager plukkar varer frå plukksonene, blir det tomt på plukkplassen. Då må det genererast innryddingsordrar der varer blir flytta frå ein volumlokasjon til ein plukkplass.
Lagera praktiserer ulike løysingar her. Dei fleste lagrar volumvarene i det dei kallar overstock, det vil seie lagerhyllene som ligg over plukklokasjonane. Dermed er det berre å løfte ned ein full pall frå dei høgaste reolnivåa når det er tomt på plukkplassen.
Kvar lokasjon har sin eigen strekkode. Først skyt ein strekkodane på den første lokasjonen, deretter skyt ein koden på pallen som skal flyttast til plukkplassen. Til slutt skyt ein strekkoden på den nye plukkplassen, og operasjonen er fullførd. Lagersaldoane på lokasjonane blir dermed oppdaterte elektronisk.