Journalistikk er informasjon om noko som faktisk finst eller noko som faktisk har hendt. Derfor må journalisten vurdere informasjon frå kjelder på ein kritisk måte. Journalisten har eit viktig samfunnsoppdrag på vegner av folket og må følgje presseetiske reglar.

Som journalist hentar du inn informasjon om faktiske hendingar frå ulike kjelder og vurderer informasjonen kritisk. Deretter utformar du ei medieforteljing ved hjelp av dei forteljartekniske verkemidla du har til rådvelde, i den sjangeren du har valt.