I trygge hender

Utviklinga av hjernen er spesielt sårbar for alle typar av omsorgssvikt. Sjå filmen I trygge hender over. Ut frå filmen skal du fordjupe deg innan temaet omsorgssvikt og knyte det opp mot praksisfeltet til barne- og ungdomsarbeidaren (barnehage/skule, bustad/fritidsklubb). Arbeidet skal ende opp i ein skriftleg eller munnleg presentasjon.

1. Kva side ved temaet omsorgssvikt vil du fordjupe deg i?

   1. Kva ønskjer du å lære meir om?
   2. Grunngi kvifor du er interessert i å utforske dette temaet.

2. Kva treng du av teoretisk kunnskap for å jobbe med dette temaet?

   1. Kvar kan du finne den nødvendige teoretiske kunnskapen?
   2. Vel ein teori som utgangspunkt og set deg godt inn i denne teorien.

3. Vel ein institusjon du ønskjer å få betre kjennskap til. Lag ei overordna problemstilling innan temaet omsorgssvikt knytt til denne institusjonen. Her er nokre døme på problemstillingar:

   • Kva gjer dei tilsette ved Blåbærveien barnehage når dei oppdagar at eit barn blir utsett for omsorgssvikt?
   • Korleis blir omsorga teken vare på for barn som blir flytta i fosterheim, men held fram ved same skule?
   • Korleis samarbeider Tuna skule med barnevernet?
4. Lag spørsmål som du kan stille til institusjonen slik at du får utdjupande kunnskap om det temaet du vil utforske, og for å kunne svare på problemstillinga.
5. Gjer ein avtale med ein institusjon og fortel dei kva du ønskjer å finne ut av. Bruk spørsmåla du laga i oppgåve 4, slik at du får mest mogleg informasjon om temaet du utforskar.
6. Kontakt det lokale barnevernet ditt for å få meir informasjon om temaet du har valt. Lag spørsmål på førehand, slik at du er førebudd til samtalen/møtet.
7. Lag så ei samanhengande framstilling anten skriftleg eller munnleg der du avsluttar med ein konklusjon knytt til problemstillinga du laga i oppgåve 3. Bruk òg den teoretiske fagkunnskapen frå oppgåve 2.