Fágaartihkal
Bárut ja energiija
Dán fáttá álggus dajaimet ahte ovtta bárus lea ráfehuhttin mii fievrriduvvo, ii fal materiija. Dat mearkkaša ahte bárut fievrridit energiija, muhto mii mearrida man ollu energiija bárru fievrrida?
Ovtta bárus sáhtát rievddadallat sihke amplituda ja frekveanssa. Leat go ovttaoaivilis dasa ahte goappašat diet sturrodagat váikkuhit energiijamearrái man bárru fievrrida?
Bárru mas lea stuora amplituda fievrrida eambbo energiija go bárru mas lea unna amplitudaš.
Seammás mii ipmirdit ahte bárru fievrrida eambbo energiija jus partihkkalat sugadit jođáneappot, nappo go lea alit frekveanssa. Dalle leat eambbo bárut mat sáhttet fievrridit energiija.
Bárru mas lea alla frekveansa fievrrida eambbo energiija go bárru mas lea vuollegis frekveansa.
Fuomáš ahte dát gusto partihkkaliidda main lea mássa mii sugada. Lea go mis dat čuovggas?