Hopp til innhald
Oppgåve

Er klima og miljø viktigast for å skape berekraftig utvikling?

Kva forhold er viktigast når vi skal oppnå berekraftig utvikling? Er klima og miljø, sosiale forhold og økonomi like viktige? I denne oppgåva skal de jobbe med dei tre dimensjonane ved berekraftig utvikling og vurdere om klima og miljø er viktigast blant dei.
Modell som liknar ei bryllaupskake med tre lag. Det nedste laget er merkt klima og miljø, det midtarste laget er merkt sosiale forhold, og det øvste laget er merkt økonomi. Kvadrat med kvart sitt berekraftsmål er plassert rundt kaka. Kvart kvadrat har sin eigen farge som korresponderer med ein del av kaka. Illustrasjon.
Bryllaupskakemodellen. Bilete: Jerker Lokrantz/Azote / CC BY-NC-ND 4.0

For å løyse denne oppgåva bør de ha lese og jobba med desse ressursane:

Mål med oppgåva

I denne oppgåva skal de

  • bli bevisste på dei tre dimensjonane ved berekraftig utvikling

  • få ei betre forståing av kvifor nokre meiner at klima og miljø er den viktigaste dimensjonen av berekraftig utvikling

  • bli meir bevisste på eigne tankar og meiningar om berekraftig utvikling

  • øve på å finne argument både for og mot ein påstand

Diskuter betydninga av klima og miljø

Spørsmålet de skal diskutere, er: Er klima og miljø det viktigaste for å få til berekraftig utvikling?

  1. Individuelt arbeid (10 minutt): Start med å undersøke klima- og miljødimensjonen ved berekraftig utvikling. Sjå nærare på dei fire berekraftsmåla som ligg under klima og miljø i bryllaupskakemodellen. Tenker du at desse er viktigare enn dei andre berekraftsmåla? Kvifor eller kvifor ikkje?

  2. Individuelt arbeid (5 minutt): Fyll inn argument du kjem på både for og mot at klima og miljø er det viktigaste for å oppnå berekraftig utvikling. Bruk anten det interaktive skjemaet under eller pc/notatbok.

  3. Gruppearbeid (10–15 minutt): Gå saman i grupper på to–fire elevar. Del det de har skrive. Du kan gjerne skrive inn argument frå dei andre dersom du synest argumenta er gode. Bruk dei siste to minutta på å skrive ei oppsummering (gjerne i skjemaet under). Dette kan de gjere individuelt eller saman som gruppe.

  4. I klassen (10 minutt): Læraren styrer ein plenumsdiskusjon. Her er det ikkje noko som er rett eller feil. Målet er å få fram ulike argument og å diskutere desse.