Oppgåve
Reiselivstrendane i framtida
Kva vil prege reiselivet framover?
Måleri av Don Davis. Bilete: Donald Davis / CC0
- Jobb i grupper på to eller tre og vel ut éin til å ta notat.
Undersøk på nettet, diskuter i gruppa og skriv to punkt til kvar av desse deloppgåvene:
- Nemn døme på ulike reiselivstrendar, og forklar kvifor dei har blitt trendar.
- Kvifor er det viktig å kjenne til trendar i reiselivet?
- Kva trendar trur de vil prege reiselivet framover?
- De skal undersøkje kva trendar som er aktuelle for reiselivet på heimstaden dykkar.
- Førebu eit lite intervju med ei reiselivsbedrift i nærområdet. Lag fem spørsmål om trendar i reiselivet.
- Ring eller oppsøk bedrifta, og gjennomfør intervjuet.
- Lag ein presentasjon av funna deira, og framfør han for dei andre i klassen.
- Diskuter kva de meiner er dei viktigaste trendane som vil prege reiselivet på heimstaden dykkar framover.
- Skriv eit hyggjeleg og informativt notat til turistkontoret i nærområdet basert på det de fann ut i oppgåve 1 og 2.
- Ta med tilrådingane dykkar om kva trendar turistkontoret bør vere merksam på. Kom gjerne med forslag til korleis dei kan bruke trendane til nye og spennande produkt i reiselivet.
- Send notatet til turistkontoret. Skriv gjerne litt om programområdet de går på. Kanskje de òg kan invitere turistkontoret til eit samarbeid?
Reiselivet ligg langt framme når det gjeld å ta i bruk ny digital teknologi. Dette opnar opp for nye marknader for reiselivsnæringa. Bilete: pxhere / CC BY-SA 4.0
Relatert innhald
Fagstoff
MegatrendarKva skal til for at vi kan kalle ein trend ein megatrend, og kva betyding har megatrendar for reiselivsnæringa?