Teikn utsnitt av pels
Utstyr
Teikneblokk: A4-format
Blyant: 4B og 6B
Eit kjæledyr eller foto av pels
Pels som motiv
Kjæledyr
Ein morosam måte å gjere denne oppgåva på er å klippe ut eit vindauge på 5 x 5 cm på eit A4-ark. Plasser ruta oppå hunden eller katten din (når han søv?). Du kan anten teikne direkte, om det går, eller fotografere og teikne etter biletet.
Foto
Fotografer nærbilete av dyr dersom det er mogleg for deg. Du kan lage eit utsnitt når du tek biletet, eller klippe ned biletet til det utsnittet du vil jobbe med, etterpå.
Viss du har eit bilete på papir, kan du lage eit utsnitt på 5 x 5 cm ved å bruke post-it-lappar og plassere dei oppå for å ramme inn det utsnittet du vil teikne (sjå dømet øvst til venstre i biletet over).
Dersom du vil bruke foto frå nett, bør du velje bilete med høg oppløysing. Når du har gjennomført eit biletsøk, vel "Verktøy" og sett "Storleik" til "Store" for å få fram større bilet-filer. Med store bilete er det lettare å zoome inn slik at du får eit godt nærbilete.
Framgangsmåte
Vel eit utsnitt av pelsen du vil teikne.
Skisser opp med lett strek i ruta du skal teikne i. Studer pelsen og prøv å gjengi mønsteret.
Begynn å skravere ved å lage strekar i hårretninga.
Bruk det du har lært om valørar, og prøv å gjengi pelsen så godt som mogleg.
Gå over med ein mjukare blyant og skap kontrast mellom lyse og mørke valørar.