Oppgåve
Marknadsføring av eiga bedrift
Utgangspunktet for denne oppgåva er marknadsføring for di eiga tenkte bedrift. Du vel sjølv kva type bedrift du vil arbeide med, og det er viktig å velje noko du interesserer deg for. Oppgåva kan passe godt som gruppeoppgåve.
Bilete: Maskot, NTB scanpix / CC BY-NC-SA 4.0
- Tenk deg at du skal starte di eiga bedrift. Skriv ned nokre stikkord rundt kva type bedrift du vil starte, og korleis du har tenkt å drive henne (butikk, nettbasert...).
- Lag ein logo for bedrifta di. Her kan du skisse og teikne for hand, før du jobbar vidare digitalt.
- Lag ein plan for korleis du vil marknadsføre bedrifta di, og lag ein type reklame/annonse som du vil nytte.
- Presenter punkta ovanfor for resten av klassa, gjerne ved å bruke ein digital presentasjon. Argumenter for eigne val, med tanke på marknadsføring og sal. Be om tilbakemelding på presentasjonen din, kva seier medelevane dine til idéen din?
- Skriv ei eigenvurdering etter den munnlege presentasjonen der du tar for deg dei vala du har gjort, og der du reflekterer over dei tilbakemeldingane du har fått.
- Skriftleg arbeid i del 1, 3 og 5 (med framside og innleiing til oppgåvene)
- Skisseprosess og ferdig logo
- Munnleg presentasjon