Nivå 2: Lag heilsetningar med to verbal med lappemetoden
Til læraren
Dette er nivå 2 av lappemetodeoppgåver. For å finne fleire oppgåver og tips om metodikk kan du gå til artikkelen "Lær elevane syntaks med lappemetoden".
Del 1: Subjektet først
Skriv ut vedlegget under og klipp ut setningsledda. Sit i par.
Lag fem setningar med subjektet først i setninga. Setningane har hjelpeverb og hovudverb.
Les setningane høgt i klassen. Diskuter om alle høyrest riktige ut.
Filer
Del 2: Adverbialet først
Bruk dei same lappane som i førre oppgåve.
Studer illustrasjonen øvst på sida og legg merke til kva rekkefølge setningsledda skal ha.
Lag fire setningar med adverbialet først i setninga.
Les setningane høgt i klassen. Diskuter om alle høyrest riktige ut.
Del 3: Lag eigne lappar
Skriv ut dei tomme lappane i vedlegget og klipp ut. Sit i par.
Filer
Skriv inn setningsledd på lappane. På den blå subjektslappen må det stå eit substantiv (hunden, guten, mannen...) eller eit pronomen (eg, vi...), på den gule V2-lappen skal det stå eit hjelpeverb, på den oransje eit hovuderb og så vidare.
Byt lappar med ei anna gruppe. Klarer de å setje lappane saman til setningar?
Set dykk saman med gruppa de bytte lappar med og samanlikn setningane de har laga.
Del 4: Skriv ei kort historie
Skriv ei kort historie om kva du skal gjere i morgon ved å bruke futurum. Bruk hjelpeverbet "å skulle" saman med eit hovudverb: "I morgon skal eg på skulen."
Bind saman setningane med ord som "først", "etterpå", "så" og "til slutt".
Plasser setningsledda subjekt, hjelpeverb, hovudverb, direkte objekt og adverbial på riktig stad. Hugs at hjelpeverbet skal på førsteplass!
Sjå på dømet under:
I morgen skal eg først stå opp. Så skal eg dra på skulen. Etterpå skal eg heim. Då skal eg ete middag med familien.
Les historiene høgt for kvarandre i grupper. Gi kvarandre tilbakemelding på om de har plassert setningsledda i riktig rekkefølge. Spør læraren viss de er i tvil.