Arbeidsoppdrag
Start og stopp av trefasa asynkronmotor med mjukstartar (STI 8)
I dette oppdraget skal du starte og stoppe ein trefasa asynkronmotor med mjukstartar.
Mjukstartar. Bilete: Magnar lynglund / CC BY-NC-SA 4.0
Her skal du få eit innblikk i korleis vi kan starte ein trefasa asynkronmotor med ein mjukstartar. Vi bruker mjukstartar viss vi har behov for ein mjukare start eller eit lågare moment i startaugneblinken.
Denne startmetoden blir stadig meir brukt i industrien og erstattar til ein viss grad kontaktoren.
Denne installasjonen kan brukast til å starte utstyr som er tungdrive, som vi vil spare for ein hard direkte start, eller som treng ein mjukare stopp.
I dette arbeidsoppdraget skal du kunne køyre ein trefasa 230 V asynkronmotor ved hjelp av ein mjukstartar.
Dette er dokumentasjon som skal vurderast og leverast til lærar:
- hovudstraum (start med ein kladd)
- styrestraum (start med ein kladd)
- arrangementsteikning
- funksjonsbeskriving
- rekkjeklemmetabell
- montere opp utstyret
- kople opp hovudstraum og styrestraum
- teste ut og setje i drift utstyret saman med lærar
- dokumentere, vurdere og kontrollere arbeidet ditt
Verktøy du kan få bruk for
- avbitartong
- kabeltong
- nitetong/endehylsetong
- fleire typar skrujern
- multimeter
- straumtong
Døme på skjema over hovudstraum for ein mjukstartar som blir aktivert med 230 V
Det finst òg variantar som blir aktiverte berre med digitalt signal.
Hovudstraum for mjukstartar. Bilete: John H. Vijzelaar / CC BY-SA 4.0