Arbeidsoppdrag
Start og stopp av trefasa asynkronmotor med kontaktor (STI 3)
I dette arbeidsoppdraget skal du starte og stoppe ein trefasa asynkronmotor ved hjelp av brytarar og ein kontaktor.
Trykkskjerm med knappar for start og stopp av asynkronmotor. Bilete: Magnar lynglund / CC BY-SA 4.0
Her skal du få eit innblikk i korleis vi kan starte ein trefasa asynkronmotor ved hjelp av brytarar og ein kontaktor.
Ein slik installasjon kan brukast til å starte og stoppe ei vifte eller til å drive ei pumpe.
I ei industribedrift kan ein ha sjølve motoren nede i fabrikken og fjernstyre han frå eit kontrollrom.
I dette arbeidsoppdraget skal du installere ei enkel start- og stoppløysing i form brytarar og ein kontaktor i ein trefasa 230 V asynkronmotor.
Dette er dokumentasjon som skal vurderast og leverast til lærar:
- hovudstraum (start med ein kladd)
- styrestraum (start med ein kladd)
- arrangementsteikning
- funksjonsbeskriving
- rekkjeklemmetabell
- montere opp utstyret
- kople opp hovudstraum og styrestraum
- teste ut og setje i drift utstyret saman med lærar
- dokumentere, vurdere og kontrollere arbeidet ditt
Verktøy du kan få bruk for
- avbitartong
- kabeltong
- nitetong/endehylsetong
- fleire typar skrujern
- multimeter
- straumtong
Døme på skjema over hovudstraum og styrestraum for enkel start og stopp av asynkronmotor
Hovudstraum og styrestraum for enkel start og stopp av asynkronmotor. Bilete: John H. Vijzelaar / CC BY-SA 4.0